Cibutinin fəaliyyətdə olan Prezidenti İsmayıl Ömər Qelle 97,8 % səs toplayaraq növbəti prezident seçkilərində qalib gəlib."Report" xəbər verir ki, bu barədə "Reuters" agentliyi Cibutinin dövlət KİV-lərinə istinadən məlumat yayıb.Qeyd olunub ki, seçici fəallığı 80,4 % təşkil edib.2021-ci ildə keçirilmiş əvvəlki seçkilərdə də Qelle 97 %-dən çox səs toplamışdı.Xatırladaq ki, 78 yaşlı İsmayıl Ömər Qelle 1999-cu ildən Cibutinin Prezidentidir.2025-ci ilin oktyabrında parlament prezidentliyə namizədlər üçün 75 yaş məhdudiyyətinin ləğv edilməsinin lehinə səs verib, həmçinin yeni konstitusiyanın təsdiqlənməsi üçün əvvəllər məcburi olan referendumdan imtina edib.Əhalisi 1 milyondan az olan Cibutinin ərazisində ABŞ, Çin, Fransa, İtaliya və Yaponiyanın hərbi bazaları yerləşdirilib.